Faleminderit heronjve të ditëve të sotme

Në realitetin tonë të ri, punonjësit e kujdesit shëndetësor janë ata që qëndrojnë në vijën e parë të luftës kundër Covid-19. Në këtë kohë të vështirë, ata përpiqen çdo ditë për të ndihmuar njerëzit, kudo. Ata janë heronjtë e vërtetë të ditëve të sotme. Me këtë qëllim, McCann Tirana përqafoi me entuziazëm nismën rajonale të lançuar nga McCann Worldgroup Romania me synimin për t’i shprehur një mirënjohje sado të vogël personelit shëndetësor. Qytetet u kthyen në ekspozita punimesh artistike kushtuar personelit shëndetësor, duke i falënderuar për punën e tyre në nivel kombëtar.

McCann Tirana krijoi një seri vizualesh në shenjë mirënjohjeje të “Heronjve të ditëve të sotme” të cilat u ekspozuan në hapësira të ndryshme OOH në qytete të ndryshme në Shqipëri.

Mozaiku i fasadës së Muzeut Historik Kombëtar është një figurë ikonike në Tiranë. Mban emrin “Shqiptarët” dhe simbolizon heronjtë shqiptarë të historisë së vendit tonë. U rikrijua një ilustrim i këtij mozaiku ku në vend të heronjve kombëtarë paraqiten punonjësit e kujdesit shëndetësor dhe armët që ata mbajnë në duar janë pajisjet mjekësore. Rikrijimi u ekspozua dhe në një prej hyrjeve kryesore të qytetit të Tiranës si falënderim për të gjithë personelin shëndetësor.

 

Për të pasqyruar të njëjtin mesazh të fuqishëm, McCann Tirana rikrijoji edhe ikonën shqiptare të pavarësisë në qytetin e Vlorës, Monumentin e Pavarësisë, duke vënë personelin shëndetësor në vijë të parë si heronjtë e sotëm në betejën e tyre kundër virusit.

Rrugët e qytetit u kthyen në ekspozime artistike me City-Lights të dedikuar që sjellin më pranë njerëzve përpjekjet e përditshme të personelit shëndetësor. Disa prej Letrave të Fatit Tarot u ridizenjuan për t’u kujtuar njerëzve që në këto kohëra, fati ka nxjerrë më të mirën e heronjve për t’u kujdesur për ta në situata të vështira. Nga mjekët te infermierët, mesazhet e dedikuara tregojnë fuqinë e kurajës dhe përkushtimin për të na kujtuar se sa mirënjohës duhet të jemi të gjithë këto ditë ndaj personelit shëndetësor.

Zbulo më shumë përmes projektit tonë në Behance.

EKIPI:

Art Director / Nertila Pere

Junior Art Director / Anila Kondi

Junior Art Director / Kristi Çunga

Copywriter / Jonida Zguro

Creative Director / Flonia Vasia Gjollma

Media Manager / Elona Zebi

Media Account Manager / Gerti Lezi

Client Service Director / Çeltina Lloshi

BASHKËPUNËTORË:

Bus Stops / City Wings

Printing / New Vision

Led Screen Tirana / Interlogistic

Led Screen Vlora / Golden Eye