Identiteti i ri AmCham: harmonia e simboleve shqiptare dhe amerikane

Prej 20 vitesh Dhoma Amerikane e Tregtisë operon në Shqipëri si një urë e konsoliduar bashkëpunimi midis bizneseve vendase, Amerikane dhe atyre ndërkombëtare. Për të pasqyruar evoluimin e organizatës dhe fuqizimin e partneriteteteve në biznes, në këtë përvjetor nevojitej një imazh i rifreskuar.

Si anëtare prej 1 dekade e AmCham, McCann Tirana, ofroi shërbimin dhe ekspertizën e saj në krijimin e një imazhi të ri vizual, i cili shkrin në një element të vetëm unik, simbolet përfaqësuese të të dy vendeve.

Projekti filloi si një iniciativë e përbashkët për të sofistikuar logon e Dhomës Amerikane të Tregtisë në Shqipëri dhe për të krijuar udhëzimet e reja për markën, por gjatë procesit, marka u zhvillua në identitet të ri.

amcham logo colors

Shqiponjat përfaqësuese si për Shqipërinë ashtu edhe për Shtetet e Bashkuara të Amerikës mbetën fokusi kryesor i identitetit, si një simbol i bashkëpunimeve të ndërsjella. Të dy shqiponjat janë pjesë e së njëjtës strukturë trupi, por secila prej tyre përfaqëson vendin përkatës, të frymëzuar nga shqiponja dykrenore e flamurit.

Ngjyrat e përdorura për logon mbajnë ngjyrat e flamurit amerikan, por të bashkuara pak me një tonalitet të zi si shqiponja shqiptare dhe si rezultat kanë një blu më të thellë. Krahët e shqiponjës janë simetrike dhe të ndara si vija të flamurit amerikan.

Me këto elementë të shkrirë, harmonia dhe ekuilibri midis të dy shqiponjave, i ngjan harmonisë dhe ekuilibrit të bashkëpunimeve dypalëshe.

Identiteti u zhvillua më tej në një markë të plotë, me disa aplikime dhe udhëzues përshtatjesh për imazhin e ri të Dhomës Amerikane të Tregtisë në Shqipëri.

amcham new logo poster

amcham new logo stationery

amcham new logo brochure

amcham new logo letterhead

amcham new logo tote bag

amcham new logo rroll up

Mos harroni të shfletoni këtë projekt edhe në Behance.

EKIPI:

Art Director / Nertila Pere

Junior Art Director / Anila Kondi

Creative Director / Flonia Vasia Gjollma

Client Service Director / Celtina Lloshi